দূৰ্ঘটনা বাঢ়িলেও মৃত্যু কমিছে ৰাজ্যত

ৰাজ্যত অভাৱনীয় ভাৱে বৃদ্ধি পাইছে পথ দূৰ্ঘটনা৷ চলিত বৰ্ষৰ জানুৱাৰী মাহৰপৰা নৱেম্বৰ মাহলৈকে ৰাজ্যখনত সৰ্বমুঠ ১১.৫৫৮টা দুর্ঘটনা সংঘটিত হৈছে। এই এঘাৰ মাহত যোৱা বছৰ সংঘটিত দুর্ঘটনাৰ সংখ্যা আছিল ৬,৬৯৮টা। সেই হিচাপত এই বছৰ ৭২.৫৬ শতাংশ দুর্ঘটনা বাঢ়িছে। এই বছৰৰ জানুৱাৰী মাহত ৮১৯টা, ফেব্ৰুৱাৰীত ৮২২টা, মাৰ্চত ১১৪টা, এপ্রিলত ৮৪০টা, মে'ত ৮৩১টা, জুনত ১,২৩৪টা, জুলাইত ১,৩১৪টা, আগষ্টত ১,২৭৩টা, ছেপ্টেম্বৰত ১,২৪৯টা, অক্টোবৰত ১,২১৫টা নৱেম্বৰ মাহত '১,০৪৭টা দুর্ঘটনা সংঘটিত হৈছে। অৱশ্যে দুর্ঘটনাৰ সংখ্যা বৃদ্ধি পাইছে যদিও দুর্ঘটনাত মৃত্যু হোৱা লোকৰ সংখ্যা হ্রাস পাইছে। জানুৱাৰী-নৱেম্বৰৰ সময়ছোৱাত ২০২৩ চনত ২,৯৪১জন লোকৰ মৃত্যু হৈছিল। এই বছৰ এই সংখ্যা ২,৫২১ জনলৈ কমিছে। শতাংশ হিচাপত ১৪.২৮ শতাংশ কমিছে।